Razóns de peso. Desbordamentos, desexos e outras incomodidades gordas

Este é un libro incómodo. Non foi escrito para agradar, senón para abrir espazo. Fala do peso que non marcan as básculas: o peso simbólico que cargan os corpos gordos e o peso político de habitalos. O peso das miradas, das humillacións e das violencias; mais tamén o das apertas, dos risos, da memoria e do desexo. Estas páxinas debuxan unha cartografía colectiva de carne, rabia e pracer que desafía a estreiteza de miras e cuestiona a lóxica do medo, do normativo e do hexemónico. Aquilo que o sistema quixo converter en vergoña transfórmase aquí en orgullo. Agora fica nas túas mans, para que tamén ti, sexas parte deste desbordamento.