Lingua galega e literatura 1ºeso

Co obxectivo posto na expresión oral, fixemos fincapé na necesidade de que o alumnado teña modelos de fala adecuados e poida poñer en práctica a súa lingua dentro da aula. A realidade sociolingüística de cada centro determinará a atención que o profesorado deberá dedicar a este bloque, para que o alumnado poida cumprir adecuadamente cos estándares de aprendizaxe, o que nos motivou a engadir máis recursos web que axuden nesta tarefa.